Бүгін шақырылған қонақ ретінде №10 орта мектептің білім күні мерекесіне қатыстым. Ақтау Қаласы Аналар кеңесінің мүшесі ретінде сөз сөйлеп, тілек айттым. Бұл мектепте мен 23 жыл қазақ тілі мен әдебиеті пәнінен орыс сыныптарына сабақ бердім. Сондықтан Оныншы Мектеп-Актау ұжымы маған өте ыстық. Әрбір кабинет сабақ берген сәттерді еске түсіріп, көңіліңе жылылық ұялатады. Менімен қатар істеген әріптестерім, азғантай уақыт жұмыстас болып үлгерген жас мұғалімдер – бәрі құшақтарын айқара ашып, көрісіп, қуанысып жатыр. Ақ ниеттеріне, таза пейілдеріне, жүрекжарды тілектеріне үлкен рахмет. Бір қызығы – оқытқан оқушыларымыздың ішінде 1-сыныпқа балаларын әкеліп жатқандары да бар екен. Келіп амандасып, мен “бәленмін”, мен “түгенмін” деп айта бастағанда “танымай қалдық” деп таң қалғанымызды жасырмадық. Естелікке суретке түстік. Мектептің асханасынан шай ішіп, әңгімелесіп, біраз шер тарқаттық.
Білім мерекесі өте жоғары деңгейде өтті. Мектеп директоры @Курмангазиева Римма Кулзаировна басқарып отырған №10 орта мектептің педагогтік ұжымына алғысым шексіз.
Барша ұстаздар мен оқушыларды жаңа оқу жылының басталуымен құттықтаймын!
Білім жолындағы әр қадамдарыңыз сәттілікке, ізденістеріңіз жетістікке ұлассын!
Жаңа оқу жылы құтты болсын! 