6 наурыз күні мектебімізде 8 наурыз – Халықаралық әйелдер күніне арналған «Ана – аса қымбатты жан» атты мерекелік концерт өтті. Бұл іс-шара барлық қыз-келіншектер мен әйелдерге арналды. Концерттің мақсаты – қыздар мен әйелдерді құрметтеу, оларға мерекелік көңіл күй сыйлау және оқушылардың өнерін көрсету болды.
Мерекелік кеш барысында оқушылар ән айтып, би билеп, өлеңдер оқыды. Әрбір өнер нөмірі көрермендерге ерекше әсер қалдырды. Оқушылар өз таланттарын көрсетіп, сахнада әдемі өнер көрсетті. Сонымен қатар қыздарға, аналарға және ұстаздарға арналған жылы лебіздер айтылды.
Концерт өте қызықты әрі әсерлі өтті. Көрермендер оқушылардың өнерін тамашалап, көтеріңкі көңіл күйде болды. Осындай мерекелік іс-шаралар мектеп өмірін жандандырып, оқушылардың шығармашылық қабілеттерін дамытуға үлкен үлес қосады.
8 наурыз – барлық әйелдер мен қыздардың мерекесі. Сондықтан біз бұл күні оларға құрмет көрсетіп, жақсы тілектерімізді арнаймыз.